Bakı Şəhər Dövlət Yol Polisi İdarəsi (BŞDYPİ) qarşıdan gələn "Son zəng" tədbirləri ilə əlaqədar avtomobil icarəsi şirkətlərinə müraciət edib.
Polis bildirir ki, məzunlar və yetkinlik yaşına çatmayanlar əyləncə məqsədilə avtomobil icarəyə götürməyə cəhd edirlər. Lakin sürücülük hüququ olmayan şəxslərin sükan arxasına keçməsi qanunsuz və təhlükəlidir.
BŞDYPİ rent car şirkətlərindən xahiş edir ki, avtomobil verərkən sürücülük vəsiqəsinin etibarlılığını, yaşını və idarəetmə hüququnu yoxlasınlar. "Son zəng" günü məktəblilərə və ya sürücülük hüququ olmayanlara maşın verməsinlər.
Belə hal aşkar edildikdə, qanunamüvafiq tədbirlər görüləcək. Həssas yanaşma mümkün hadisələrin qarşısını alacaq və məzun gününü təhlükəsiz edəcək.
