Elm və təhsil naziri Emin Əmrullayev "Trend"-ə müsahibəsində repetitorluğun ləğvinin mümkünsüzlüyünü vurğulayıb.
Nazir bildirib ki, hər kəs üçün eyni şəraitin yaradılması rəqabətli qəbul sistemi ilə tam üst-üstə düşmür. Repetitorluğu ləğv etmək və ya qadağan etmək mümkün deyil.
Nəzəri cəhətdən bunu etmək olar, lakin praktikada icrası qeyri-mümkündür. Əmrullayev repetitorluğun qadağan edilməsinin müsbət nəticə verəcəyinə inanmır.
Onun sözlərinə görə, ali təhsil sadəcə növbəti pillədir və hər kəs istədiyi kimi ali təhsil ala bilməlidir. Qəbul asan, bitirmək çətin olmalıdır. Hazırda ali təhsili bitirmə ehtimalı 85-90% təşkil edir ki, bu da narahatlıq doğurur.
Mühəndis olmaq rahat proses deyil və uğur qazanmaq üçün çətinliklərdən keçmək lazımdır.
