Şabran şəhərində yaşayan Asif Əliyev evinin yaxınlığında aparılan qazıntı işlərindən narahatdır.
Onun sözlərinə görə, işlər evinə təhlükə yaradıb, həyətyanı sahəsi zəbt olunub və meyvə ağacları ziyan görüb.
Vətəndaş Baku TV-nin qaynar xəttinə müraciət edərək aidiyyəti qurumlardan kömək istəyib.
"30 ildir bu ağaclara qulluq edirəm. Ağacları kəsmək istəyirdilər, qoymadım. Sonra dibini qazdılar ki, quruyub aşsın", - deyə sakin bildirib.
Sahibkar Orxan Məmmədov isə iddiaları rədd edir: "İşlər tam qanunidir, bütün sənədlər qaydasındadır. Ağacların kəsilməsi ilə bağlı deyilənlər həqiqəti əks etdirmir".
