Ukraynanın Azərbaycandakı səfiri Yuri Qusev bildirib ki, ölkəmizə gələn ukraynalı uşaqlar müharibəni öz gözləri ilə görüblər.
Oxu.Az-a istinadən xəbər verilir ki, səfir bu sözləri ukraynalı uşaqların növbəti qrupunun, bu dəfə Mariupoldan olanların Azərbaycana gətirilməsi münasibətilə deyib.
Qusev vurğulayıb: "Bu uşaqlar müharibəni öz gözləri ilə görüblər. Azərbaycan hökumətinin, rəhbərliyinin və bütün xalqının bu vacib proqrama dəstəyini yüksək qiymətləndiririk. Proqram xalqlarımızı, uşaqlarımızı və ölkələrimizi yaxınlaşdırır."
