Son vaxtlar Azərbaycanda valideynlərin uşaqlara münasibəti narahatlıq doğurur. Altı uşağın zəhərlənməsi, Tovuzda valideynlərin övladlarından imtinası kimi hadisələr gündəmə gəlib.
Bu laqeydlik və təhlükəli davranışlar cəmiyyətdə geniş müzakirə olunur. Bəs bu problemlər nə qədər yaygındır və qarşısını necə almaq olar?
"Ümidli Gələcək" Gənclər İctimai Birliyinin sədri Kəmalə Aşumova bildirib ki, Uşaq Qaynar Xəttinə son 3 ayda 362 zorakılıq müraciəti daxil olub. "Bu, insanların yardım axtarmağa üstünlük verdiyini göstərir" deyə o vurğulayıb.
QHT rəhbəri qeyd edib ki, mediaya çıxan hallar aysberqin görünən hissəsidir. Əsas problem erkən aşkarlama mexanizminin zəif olmasıdır.
Psixoloq Aysel Qafarova deyir ki, laqeydliyin səbəbləri valideynin yaşı, psixoloji hazırlığı, travmaları ola bilər. Stres xroniki hal aldıqda davranış riskli olur.
Çıxış yolu erkən fərqindəlik və psixoloji dəstəkdir. Valideyn emosional vəziyyətini dərk edib dəyişməlidir.
