Müasir uşaqların diqqətini cəmləmək çətinləşib. Həddindən artıq ekran istifadəsi autizmə bənzər əlamətlər yaradır və buna "virtual autizm" deyilir.
ABŞ-nin Drexel Universiteti araşdırmasına görə, 12 aylıq uşaqların ekran qarşısında keçirdiyi vaxt 2 yaşında autizm simptomları riskini 4.2% artırır. Gündə 4 saatdan çox ekrana baxanlarda risk daha yüksəkdir.
Digər tədqiqatlar göstərir ki, gündə 3 saat və daha çox telefon-planşetlə vaxt keçirən uşaqların 19.7%-də sosial ünsiyyət qüsuru və autizmə bənzər simptomlar müşahidə olunur.
Erkən yaşda uzun müddət ekrana baxan uşaqlarda nitq gecikməsi, diqqət dağınıqlığı və hiperaktivlik digərlərinə nisbətən 2.3 dəfə çoxdur.
Amerika Pediatriya Akademiyası 18-24 aylıq uşaqlara ekran göstərilməməsini, 2-5 yaş arasında isə gündə maksimum 1 saatla məhdudlaşdırılmasını tövsiyə edir.
Uşaqları qorumaq üçün valideynlər, müəllimlər və dövlət birgə çalışmalıdır. Dünyada bir çox ölkələr sosial şəbəkələrə yaş məhdudiyyəti tətbiq edir. Məsələn, Avstraliya 16 yaşadək uşaqların sosial şəbəkələrdən istifadəsini qadağan edib.
Uşaqlara alternativ fəaliyyətlər təklif edilməlidir: idman, incəsənət, oyunlar. Onları ekrandan uzaqlaşdırmaq üçün hamımız səfərbər olmalıyıq.
