Azərbaycan Avtomobil Yolları Dövlət Agentliyində (AAYDA) kadr dəyişikliyi baş verib.
Oxu.Az məlumatına görə, AAYDA-nın İdarə Heyətinin sədri Vüsal Nəsirli bu barədə əmr imzalayıb.
Əmrə əsasən, “Azəryolelmitədqiqatlayihə” İnstitutunun direktoru Azər Nemətli vəzifəsindən azad edilib.
Digər əmrlə o, Layihələndirmə və texniki ekspertiza departamentinin Texniki-iqtisadi əsaslandırma şöbəsinə müdir təyin edilib.
Qeyd edək ki, Vüsal Nəsirli ötən ay Xırdalan şəhərindəki instituta baş çəkib və fəaliyyəti nəzərdən keçirib.












