Dünya əhalisinin yarıdan çoxu şəhərlərdə yaşayır. 2050-ci ilə qədər bu rəqəm 68 faizə çatacaq. Bunu Azərbaycan Dövlət Miqrasiya Xidmətinin rəisi Vüsal Hüseynov deyib.
WUF13 çərçivəsində keçirilən tədbirdə Hüseynov miqrasiya və şəhərlərin əlaqəsini vurğulayıb. O bildirib ki, miqrasiya qlobal transformasiyanın əsas hərəkətverici qüvvəsidir.
“Şəhərlər miqrasiyanın hiss olunduğu məkanlardır. Urbanizasiya və miqrasiya bir-biri ilə bağlıdır. Problemlər paralel həll edilməlidir”, - deyə o qeyd edib.
Hüseynov vurğulayıb ki, hökumətlər texniki modernləşməyə investisiya yatırır. Lakin insan amili ən vacib məsələdir. İnsan kapitalı, innovasiya və əməkdaşlıq inkişafın əsasını təşkil edir.
Azərbaycan miqrasiya siyasətində innovasiya, inklüzivlik və hüquq əsaslı yanaşmaları prioritet hesab edir. Ölkə miqrantların inteqrasiyasını dəstəkləyən mexanizmlərə görə cəlbedicidir.
