Azərbaycan QHT Agentliyinin təşkilatçılığı və 116 ölkədən QHT-ləri birləşdirən "Global South NGO Platform"un (GSNP) tərəfdaşlığı ilə WUF tarixində ilk dəfə "WUF13 NGO Forum" keçirilib.
Açılış mərasimində UN-Habitat-ın icraçı direktoru Anaklaudia Rossbax bu Forumun WUF üçün tarixi hadisə olduğunu bildirib. O, vətəndaş cəmiyyətinin şəhərsalma məsələlərində rolunu vurğulayıb.
Azərbaycan Prezidentinin köməkçisi Hikmət Hacıyev Azərbaycanın Qlobal Şimal və Cənub arasında əməkdaşlığı təşviq etdiyini qeyd edib. O, Qarabağ və Şərqi Zəngəzurda yeni şəhərlərin salındığını vurğulayıb.
UN-Habitat-ın sabiq icraçı direktoru Maymuna Mohd Şərif şəhərlərin gələcəyinin yerli icmalar və vətəndaş cəmiyyətinin iştirakı ilə formalaşdığını deyib. O, "qlobal düşün, lokal fəaliyyət göstər" prinsipini vurğulayıb.
BMT-nin Cənub-Cənub Əməkdaşlıq Ofisinin direktoru Dima Al-Khatib GSNP-i fantastik layihə adlandırıb və Azərbaycanı təbrik edib. O, şəhərlərin iqlim dəyişikliyi və digər problemlərlə üzləşdiyini bildirib.
Forumda 800-ə yaxın QHT təmsilçisi iştirak edib.
