Bakının Xətai rayonunda yerləşən pivə zavodu çirkab sularını birbaşa Xəzər dənizinə axıdır.
Oxu.Az-ın yaydığı videogörüntülərə görə, zəhərli maddə hektarlarla su canlısının məhvinə səbəb olur.
Külli miqdarda balıqlar zəhərlənir, insan sağlamlığı təhlükə altındadır.
Suların İstifadəsinə və Mühafizəsinə Dövlət Nəzarəti Xidməti: "Alko LMD Azər Spirt 2024" MMC-yə məxsus zavoddan tullantı suları açıq axarla, sonra yeraltı boru ilə Xəzərə axıdılır.
Laborator analizlər göstərib ki, su nümunələrində asılı maddələr, OKT, OBT5 və ammoniumun miqdarı normadan dəfələrlə çoxdur.
Bu çirklənmə Xəzər ekosisteminə ciddi zərər vurur, oksigen çatışmazlığı yaradır və canlıların məhvinə səbəb olur.
Faktlar əsasında Cinayət Məcəlləsinin 250.1 və 252.1-ci maddələrinin pozulması ilə bağlı materiallar DİN-in Su Nəqliyyatında Polis İdarəsinə göndərilib.
