Xəzər dənizinin Lənkəran sahillərində orta əsrlərə aid yaşayış məskəni aşkarlanıb.
AMEA-nın Lənkəran Regional Elmi Mərkəzindən verilən məlumata görə, arxeoloqlar Samir Kərimov, Anar Ağalarzadə, Winfried Held və Latife Summerer tərəfindən aparılan kəşfiyyat işləri zamanı XI-XIII əsrlərə aid saxsı qab fraqmentləri tapılıb.
Mütəxəssislər ərazidə orta əsrlərə aid yaşayış məskəni olduğunu ehtimal edir. Dəniz səviyyəsinin qalxması nəticəsində məskənin bir hissəsi su altında qalıb.
Gələcəkdə burada sualtı arxeoloji tədqiqatların aparılması planlaşdırılır.
