Xırdalan şəhərində bir sakin qonşuluqda aparılan tikinti işlərindən şikayətçidir. Heydər Əliyev prospekti, 36 ünvanında yaşayan İlahə Əliyeva bildirir ki, evinin yanında qanunsuz tikinti aparılır və bu, mənzilinə ciddi ziyan vurub.
Əliyeva qeyd edib: "Bu ev 24 il əvvəl tikilib. Bir neçə il əvvəl digər tərəfdə çoxmərtəbəli bina tikdilər və damı beş dəfə dəyişdim. İndi isə üç gün ərzində evimin yanında bir metr məsafə saxlanılmadan bünövrə qazıblar, torpaq sürüşür".
Abşeron Rayon İcra Hakimiyyətindən bildirilib ki, müraciətə baxılıb və tikinti ərazisində ara məsafəsinin qanunvericiliyə uyğun olduğu müəyyən edilib.
