Baku TV-nin qaynar xəttinə Yasamal rayonundakı "Meqa Park" Uşaq Bağçasında azyaşlılara qarşı fiziki və psixoloji zorakılıq edildiyi iddiası daxil olub.
Şikayətdə bağçada uşaqların üzərinə qışqırıldığı, ağlama səslərinin tez-tez eşidildiyi və bəzi hallarda şiddət olduğu bildirilir.
Baku TV əməkdaşları bağçaya gedərək rəhbərliyin mövqeyini öyrənməyə çalışıb.
Bağça müdiri Səidə Kərimova iddiaları əsassız adlandırıb: "24 saat kameralar var, valideynlər də görüntülərə baxa bilər. Problem olsaydı, valideynlər dərhal reaksiya verərdi."
Bəzi valideynlər isə iddialarla razılaşmayaraq, müəllimlərin münasibətindən razı olduqlarını deyib.
