Sovet dövründə Azərbaycanda 56 pioner düşərgəsi var idi. Müstəqillik illərində onlar tədricən bağlandı. Pirşağıdakı "Lokomotiv" düşərgəsi də baxımsız vəziyyətdədir.
Oxu.Az Baku TV-yə istinadən xəbər verir ki, bu düşərgələr uşaqların yay tətillərini səmərəli keçirməsi, idmanla məşğul olması və sosiallaşması üçün mühüm rol oynayırdı. Onların bağlanması uşaqların texnologiyadan asılı qalmasına səbəb olur.
Təhsil eksperti Leyla Quliyeva deyir: "Bu düşərgələr 9-14 yaşlı şagirdlər üçün nəzərdə tutulmuşdu. Onlar orada yeni biliklər əldə edir, dostluq münasibətləri qururdular. Düşərgələr məktəblilərin dünyagörüşünü artırır, cəmiyyətə inteqrasiyasını təmin edirdi. Təəssüf ki, indi bağlanıb. Ümid edirik ki, bu proqramlar bərpa olunacaq."
