"Azərbaycan Dəmir Yolları" QSC (ADY) yay mövsümündə sərnişin tələbatını qarşılamaq üçün əlavə tədbirlər görür.
13 iyun-31 avqust tarixlərində Bakı-Ağstafa-Bakı marşrutu üzrə səfərlər hər şənbə və bazar günləri təşkil ediləcək.
Qatar Bakıdan saat 08:30-da, Ağstafadan isə 17:15-də yola düşəcək.
Bakı-Qəbələ-Bakı marşrutu üzrə isə 6 iyundan etibarən şənbə və bazar günləri səfərlər həyata keçirilir. 4 iyuldan etibarən qatarlar Ucar stansiyasında da dayanacaq.
1 iyuldan etibarən Bakı-Balakən-Bakı marşrutu üzrə qrafik dəyişir: Bakıdan 23:30-da, Balakəndən 21:10-da.
12-13 iyun tarixlərində Bakı-Balakən marşrutunda vaqon sayı 9-a çatdırılacaq.
Bundan əlavə, 15 iyun (Qurtuluş Günü) və 26 iyun (Silahlı Qüvvələr Günü) əlavə qatar reysləri icra olunacaq.
Sərnişinlərə səfərlərini öncədən planlaşdırmaq tövsiyə olunur.
