Zabux kənd tam orta məktəbi 1937-ci ildən fəaliyyət göstərir. 1992-ci ildə məktəb Bakının Pirşağı qəsəbəsində fəaliyyətini davam etdirib.
Doğma torpaqlar işğaldan azad edildikdən sonra, 2023-cü il dekabrın 13-də məktəb yenidən açılıb.
Direktor Mübariz Rüstəmov bildirib ki, məktəb yüksək texnologiya ilə təchiz olunub: "Sistem otaqları, fənn kabinələri, kimya, biologiya və informatika laboratoriyaları var. Vətənə layiqli övladlar yetişdirməyə çalışırıq".
Şagird Ədalət Məmmədov isə deyib: "Babamın adını daşıyan məktəbdə təhsil alıram. Böyüyəndə babam kimi polis olmaq istəyirəm".
