Fransanın Sen-Brie şəhərində 10 yaşlı oğlan 22 yaşlı qadına bıçaqla hücum edib. Hadisə iyunun 15-də meşədə baş verib.
Prokuror Jülyen Vattebledin bildirdiyinə görə, uşaq idman edən qadına yaxınlaşıb paltarlarını çıxarmağı tələb edib. Qadın imtina edəndə ona iki bıçaq zərbəsi endirib.
Patrul əməkdaşları qadının təsvirinə uyğun şəxsi tapıb. Onun üzərində cinayətdə istifadə olunan bıçaq aşkarlanıb. Uşaq 12 saat nəzarətə götürülüb, sonra həbs müddəti artırılıb.
Dindirmədə uşaq hücumu etiraf edib. İş adam öldürməyə cəhd maddəsi ilə başlanılıb. Fransa qanunlarına görə, bu yaşda uşaqlar cinayət məsuliyyəti daşımır, buna görə də hakim müvəqqəti tədbir tətbiq edib: uşağa axşam 22:00-dan səhər 06:00-dək evdən çıxmaq və qurbanla əlaqə qurmaq qadağan edilib.
