"UĞUR 777" estetik mərkəzdə qanunsuzluqlarla bağlı cinayət işi üzrə təqsirləndirilən Xəyalə İsmayılova, Murad Bağırov və Rəsmiyə Quliyeva barədə məhkəmə araşdırması başlayıb.
Bakı Ağır Cinayətlər Məhkəməsində hakim Fəxri Məmmədovun sədrliyi ilə keçirilən prosesdə anket məlumatları dəqiqləşdirilib.
Müdafiə tərəfi işin yenidən istintaqa qaytarılmasını istəsə də, məhkəmə bunu rədd edib.
Təqsirləndirilənlər barəsində həbs olmayan qətimkan tədbiri dəyişdirilmədən iş məhkəməyə verilib.
Növbəti baxış iclası mayın 25-nə təyin edilib.
Ötən ilin dekabrında media yayımları əsasında Baş Prokurorluq araşdırma aparıb. Məlum olub ki, mərkəz qanunsuz fəaliyyət göstərib, tibbi prosedurlar standartlara uyğun deyil. Şübhəlilərin tibbi təhsili olmayıb.
İş Cinayət Məcəlləsinin 131.2, 309.2, 314.2-ci maddələri ilə başlanıb.
