"Joy Tour" və "Joy Travel" MMC-nin təsisçiləri Rəşad İlyasov və Nərmin Fətullayevanın cinayət işi üzrə növbəti məhkəmə iclası keçirilib.
Bakı Ağır Cinayətlər Məhkəməsində hakim Elmin Rüstəmovun sədrliyi ilə keçirilən iclasda zərərçəkənlər təqsirləndirilənlərin həbs olunması üçün vəsatət veriblər. Səbəb kimi zərərin ödənilməməsi göstərilib.
Məhkəmə vəsatəti qismən təmin edərək Rəşad İlyasov barəsindəki qətimkan tədbirini dəyişdirib və o, məhkəmə zalında həbs olunub. Növbəti iclas iyunun 8-nə təyin edilib.
İstintaq zamanı müəyyən edilib ki, onlar 40 nəfəri aldadaraq 360 min manat mənimsəyiblər. Zərərin yalnız kiçik hissəsi qaytarılıb. Hər iki şəxs Cinayət Məcəlləsinin 178.3.2-ci maddəsi ilə ittiham olunur.
