Fransaya casusluqda təqsirləndirilən Martin Ryan və dövlətə xəyanətdə ittiham olunan Azad Məmmədli barəsində DTX-nın apardığı istintaq nəticəsində çıxarılan hökmdən apellyasiya şikayəti verilib.
Bakı Apellyasiya Məhkəməsində işə hakim Murad Məmmədov sədrlik edəcək. İlkin baxış iclası iyunun 11-nə təyin edilib.
Bakı Ağır Cinayətlər Məhkəməsinin hökmü ilə Ryan 10 il, Məmmədli isə 12 il müddətinə azadlıqdan məhrum edilib.
İttihama əsasən, Ryan Fransanın DGSE kəşfiyyat xidmətinin tapşırığı ilə Azərbaycanda silah-sursat, ordu haqqında məlumat toplamaqda şübhəli bilinib. O, Məmmədlini fransız agentləri ilə görüşdürüb, Məmmədliyə xarici vətəndaşlıq vəd edilib.
Hər iki şəxs 4 dekabr 2023-cü ildə DTX tərəfindən həbs olunub. Ryan "Merkorama" MMC-nin baş direktoru olub.
