Qəbələ Rayon Polis Şöbəsinin Dövlət Yol Polisi Bölməsi tərəfindən keçirilən tədbir zamanı narkotik vasitənin təsiri altında maşın idarə edən 32 yaşlı Cəmil Əhmədov saxlanılıb.
Daxili İşlər Nazirliyindən verilən məlumata görə, tibbi müayinə zamanı sürücünün psixotrop maddə metamfetamin qəbul etdiyi müəyyən edilib. Toplanmış materiallar məhkəməyə göndərilib.
Məhkəmənin qərarı ilə C.Əhmədov 15 sutka müddətinə inzibati qaydada həbs edilib.
