Şirvanda maskalı bir şəxsin bıçaqlı hücumu nəticəsində 32 yaşlı kişi xəsarət alıb.
Oxu.Az APA-ya istinadən xəbər verir ki, hadisə şəhər ərazisində qeydə alınıb.
Bakı şəhərinin Səbail rayon sakini, 1994-cü il təvəllüdlü Rza Mərifət oğlu Ağasəlimli qarın boşluğunun kəsilmiş-deşilmiş yarası diaqnozu ilə Şirvan Şəhər Mərkəzi Xəstəxanasına yerləşdirilib. Yaralı dərhal əməliyyata götürülüb.
R.Ağasəlimli bildirib ki, ona maskalı bir şəxs hücum edərək bıçaqla xəsarət yetirib. O, hadisəni törədən şəxsin xalası oğlu ola biləcəyini ehtimal etdiyini qeyd edib.
Faktla bağlı araşdırma aparılır.
