Bakı Ağır Cinayətlər Məhkəməsində Səmədağa Ağalarovun dələduzluq işi üzrə növbəti iclas keçirilib.
İşdə təqsirləndirilən şəxs vətəndaşları aldadaraq pul alıb.
Şahid Namiq Abbasov məhkəmədə ifadə verib: "Uşaqlıq dostum Ceyhun məndən iş üçün 40 min dollar istədi. Mən də verdim. Ceyhun pulu Ağalarova çatdırdı".
İttihama görə, Ağalarov Seymur Həziyevə qardaşı Elnuru həbsdən çıxaracağını vəd edib. Bunun üçün 74 min manat alıb. Lakin Elnur Həziyev faktiki olaraq 7 il 6 ay müddətinə azadlıqdan məhrum edilmişdi.
Digər bir qurbana isə mebel sexi açacağını vəd edərək 149 min manat alıb.
Məhkəmənin növbəti iclası iyunun 9-na təyin edilib.
