Sərnişinlər 114 nömrəli marşrut avtobuslarının gec gəlməsindən, natəmiz salonundan və qırıq oturacaqlarından şikayət edirlər.
Oxu.Az-ın məlumatına görə, vətəndaşlar avtobus intervalının çox olduğunu bildiriblər.
"Avtobuslar əhali sayına uyğun xəttə buraxılmır, salonlar natəmizdir, oturacaqlar qırıqdır. Yayda soyutma, qışda isitmə işləmir. Saat 23:00-dan əvvəl avtobuslar dayanır", - deyə onlar qeyd ediblər.
AYNA bildirib ki, daşıyıcı avtobus parkını yeniləməsə, marşrutlar müsabiqəyə çıxarılacaq. 114A-da 8 avtobus 12-14 dəqiqə, 114B-də 6 avtobus 14-16 dəqiqə interval ilə hərəkət edir.
