119 nömrəli müntəzəm marşrutun avtobusları dəyişdirilir.
Azərbaycan Yerüstü Nəqliyyat Agentliyi (AYNA) bildirib ki, iyunun 1-dən Xırdalan şəhərini metronun "Memar Əcəmi" stansiyası ilə əlaqələndirən 119 nömrəli marşrutda avtobuslar yenilənəcək.
Ümumilikdə 20 avtobus 5-6 dəqiqəlik hərəkət intervalı ilə sərnişinlərə xidmət göstərəcək. Avtobuslarda yalnız nağdsız ödəniş qəbul edilir. Gediş haqqı 0.60 AZN təşkil edir.
