Prezident İlham Əliyevin tapşırığına əsasən, işğaldan azad edilmiş ərazilərə Böyük Qayıdış davam edir.
Bu mərhələdə Zəngilan şəhərinə 59 ailə (235 nəfər), Cəbrayıl rayonunun Şükürbəyli kəndinə isə 97 ailə (419 nəfər) köçürülüb.
Qayıdan sakinlər dövlət qayğısı ilə əhatə olunduqları üçün Prezidentə və Birinci vitse-prezidentə təşəkkür ediblər. Həmçinin Azərbaycan Ordusuna minnətdarlıq bildirilib, şəhidlərə rəhmət dilənib.
Köçürülən ailələr əvvəllər yataqxanalarda, sanatoriyalarda və inzibati binalarda müvəqqəti məskunlaşmışdı.
