Sabirabad rayonunun Bala Həşimxanlı kənd sakini Namil Əsədov, 16 yaşlı oğlu Elxan Əsədliyə təyin edilmiş əlillik pensiyasının kəsilməsindən şikayətçidir.
O, Baku TV-nin qaynar xəttinə müraciət edərək bildirib ki, anadangəlmə sağlamlıq imkanları məhdud olan oğlu 2022-ci ildən pensiya alırdı. Lakin 2025-ci ilin mart ayında pensiya dayandırılıb.
Namil Əsədov ailənin ağır maddi vəziyyətini vurğulayaraq, aidiyyəti qurumlardan kömək istəyir: "Dəfələrlə müraciət etmişəm, məktəblər də qəbul etməyib. 16 yaşı var, amma adını belə yaza bilmir. Özünü idarə edə bilmir, evdə hər şeyi sındırır. 300 manat pensiya alırdı, bir il iki aydır dayandırılıb".
