Azərbaycanda mayın 20-də gözlənilən hava şəraiti açıqlanıb. Milli Hidrometeorologiya Xidməti məlumat yayıb.
Bakıda və Abşeronda hava dəyişkən buludlu, əsasən yağmursuz olacaq. Gecə və səhər bəzi şəhərətrafı ərazilərdə qısamüddətli yağış ehtimalı var. Şimal-qərb küləyi əsəcək.
Temperatur gecə 15-17°, gündüz 20-25° isti təşkil edəcək.
Azərbaycan rayonlarında əsasən yağmursuz, lakin gecə dağlarda, günün ikinci yarısından əksər rayonlarda yağıntı gözlənilir. Bəzi yerlərdə dolu, yüksək dağlarda qar yağa bilər.
Temperatur gecə 13-17°, gündüz 23-28°, dağlarda gecə 5-10°, gündüz 12-17° isti olacaq.
