İyun ayında dövlət sərhədini pozmağa cəhd göstərən 21 nəfər saxlanılıb. Bu barədə Dövlət Sərhəd Xidməti məlumat yayıb.
Saxlanılanların 8-i Azərbaycan, 5-i İran, 2-si Əfqanıstan, 6-sı Nigeriya vətəndaşı olub.
Qanunsuz miqrasiya ilə mübarizə çərçivəsində saxta sənədlərlə sərhədi keçməyə cəhd edən 8 nəfər də saxlanılıb.
Sərhəd rejim qaydalarını pozduğuna görə 25 nəfər barəsində tədbir görülüb.
Həmçinin, ölkədən çıxışı qadağan olan 825 nəfərin xaricə getməsinin, girişi qadağan olan 32 nəfərin isə ölkəyə daxil olmasının qarşısı alınıb.
