2026-cı il üzrə sertifikatlaşdırma prosesində 23 mindən çox təhsilverən iştirak edəcək.
Bu barədə MÜTDA-dan məlumat verilib. Hazırlıq işləri yekunlaşıb. İlk dəfə olaraq Tarix, Texnologiya, Musiqi, Təsviri incəsənət və Fiziki tərbiyə fənləri də prosesə daxil edilib.
Ümumilikdə, 23 min nəfərdən çox təhsilverən 19 şəhər üzrə 35 imtahan mərkəzində bilik və bacarıqlarını nümayiş etdirəcək.
2022-ci ildən başlayan sertifikatlaşdırma prosesinə indiyədək 84 minə yaxın müəllim cəlb edilib. Bu, pedaqoji heyətin peşəkarlıq səviyyəsinin qiymətləndirilməsi və stimullaşdırılması baxımından mühüm əhəmiyyət kəsb edir.
İndiyədək sertifikatlaşdırmadan uğurla keçən 24 minə yaxın müəllimin maaşına 35 faiz, 49 mindən artıq müəllimin maaşına isə 10 faiz artım tətbiq edilib.
