Naxçıvanın Ordubad rayonundan məzun Əhməd Hüseynov buraxılış imtahanında 300 bal toplasa da, adı rəsmi siyahıda yer almayıb.
Oxu.Az xəbər verir ki, bu, Naxçıvan üzrə cəmi iki nəfərin əldə etdiyi yüksək nəticədir.
Məlumata görə, texniki səbəbdən nəticə etibarsız sayılıb. Səbəb isə abituriyentin xarici dil seçimi ilə bağlı olub.
Məktəbdə rus dili tədris olunsa da, Əhməd ingilis dilini seçib. O, bunu rus dilində özünü zəif hiss etməsi ilə izah edib.
Dövlət İmtahan Mərkəzindən bildirilib ki, Əhməd Azərbaycan dili, riyaziyyat və rus dili fənlərindən imtahan verib. O, Azərbaycan dili və riyaziyyatdan 100 bal toplasa da, rus dilindən aşağı bal alıb.
Ali təhsilə qəbul üçün o, ingilis dilində əlavə imtahan verərək 100 bal toplayıb. Bu bal qəbulda nəzərə alınacaq.
