Dövlət Xidmətinin 75 əməkdaşı intizam tənbehi alıb, onlardan 42-si rəhbər heyətdir. Bu barədə Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) korrupsiya ilə mübarizə hesabatında bildirilib.
2 əməkdaş mənfi əsaslarla ehtiyata buraxılıb, 48 fakt üzrə 88 nəfər barəsində materiallar Baş Prokurorluğa göndərilib. Tibbi müayinə prosesi təkmilləşdirilib və elektronlaşdırılıb.
Rəqəmsal platformalar vasitəsilə xidmətlər göstərilir, korrupsiya riskləri azaldılır. Hərbi vəzifədən yayınanlara qarşı tədbirlər sərtləşdirilib.
