Bakıda daha 6 tibb müəssisəsinin yanında taksi və fərdi avtomobillər üçün minib-düşmə yerləri yaradılıb.
AYNA-nın məlumatına görə, Sabit Orucov küçəsində (Respublika Perinatal Mərkəzi), Mehdi Mehdizadə və Fəzail Bayramov küçələrində (Mediland Hospital) parklanma yerlərinin bir hissəsi ləğv olunaraq xüsusi nişanlar qoyulub.
Bundan başqa, Böyük İpək Yolu küçəsində, Həsən Salmani küçəsi və Babək prospektində də analoji nişanlar quraşdırılıb. Bu ünvanlarda Yeni Klinika, Leyla Medical Centre və Baku Medical Plaza yerləşir.
Qeyd edək ki, əvvəllər 7 ünvanda tibb müəssisələrinin qarşısında minib-düşmə yerləri təşkil edilmişdi.
