Abşeron rayonunda polis işçilərinin peşə bayramı təntənəli şəkildə qeyd olunub.
Xırdalan şəhərindəki Heydər Əliyev Mərkəzində keçirilən tədbirdə rayon rəsmiləri, polis rəisləri, şəhid ailələri və ictimaiyyət nümayəndələri iştirak edib.
İştirakçılar əvvəlcə ulu öndər Heydər Əliyevin abidəsi önünə gül qoyaraq xatirəsini yad ediblər.
Dövlət Himninin səslənməsi və bir dəqiqəlik sükutdan sonra polisin fəaliyyətinə həsr olunmuş videoçarx nümayiş olunub.
RİH başçısı Abdin Fərzəliyev çıxışında polisin ölkədə sabitliyin qorunmasındakı rolunu vurğulayıb. O, qeyd edib ki, polis həm müharibə, həm də sülh dövründə ön cərgədə olub.
Tədbirdə bir qrup polis əməkdaşı fəxri fərmanla təltif edilib.
Daha sonra incəsənət xadimlərinin iştirakı ilə konsert proqramı təqdim olunub.
