Abşeron rayonunun Mehdiabad qəsəbəsində mənzil alan bir qrup vətəndaş evlərinə köçə bilmədiklərini bildirir.
Şikayətçilərə görə, ərazidə beşmərtəbəli yaşayış binası inşa ediləcəyi və mənzillərin 2026-cı ilin avqustunda təhvil veriləcəyi vəd olunub. Ancaq təhvil müddəti yaxınlaşsa da, tikintidə yalnız bünövrə qalıb.
Oxu.Az xəbər verir ki, bu barədə Baku TV-nin videomaterialında danışılır.
Vətəndaş Elnur Əliyev bildirib ki, ailəsi üç mənzil alıb və ümumilikdə 127 min manat ödəyib.
"Bu torpaq sahəsi başqasına məxsusdur, amma bizə həmin ərazidə ev satılıb. İndi torpaq sahibi elan edib ki, ərazi satılır. Haqqımızı kimdən tələb edəcəyimizi bilmirik. Ya pulumuzu qaytarsınlar, ya da başqa yerdə ev versinlər. Amma nə pulu qaytarır, nə də mənzil verirlər", - deyə o əlavə edib.
