Dünən saat 22:40-da Hacıqabul-Horadiz yolunun 92-ci km-də ağac aşıb. Səbəb yağışlı və küləkli hava olub. Hadisə nəqliyyat üçün təhlükə yaradıb.
BDYPİ bildirib ki, yol patrul xidməti hadisəni dərhal nəzarətə götürüb. Sürücülərə xəbərdarlıq edilib, təhlükəsiz hərəkət təmin olunub.
Çevik müdaxilə nəticəsində qəza riski aradan qaldırılıb. Ağır texnika ilə ağac yoldan kənarlaşdırılıb, normal hərəkət bərpa olunub.
Yol Polisi sürücüləri qeyri-sabit havada diqqətli olmağa, sürəti və məsafəni qorumağa çağırır.
