Ağdam şəhərində "Ağıllı şəhər" konsepsiyası çərçivəsində inşa olunan ikinci yaşayış kompleksində 1 268 mənzil tikilib.
Kompleksdə bir, iki, üç və dörd otaqlı mənzillər mövcuddur. Həmçinin uşaqlar üçün oyun meydançası da yaradılıb.
Uzun illərdən sonra doğma torpaqlarına qayıdan Ağdam sakini Pərvin Abışova duyğularını bölüşüb: "Ağdamda dünyaya gəlmişəm, Ağcabədidə böyümüşəm. Uzun illər Vətən həsrəti ilə yaşamışıq. Qarabağın azad olunması bizə böyük fəxarət verdi. Ağdam işğal olunanda sonuncu gün çıxan ailələrdən olmuşuq. Doğmalarımızı şəhid vermişik. O gündən Vətən həsrəti ilə böyüdük. Şükür ki, bu gün Qarabağdayıq, Ağdamdayıq. Çox gözəl hissdir."
