İyunun 12-si Azərbaycanın Milli Qəhrəmanı Allahverdi Bağırovun şəhid olduğu gündür.
O, Birinci Qarabağ müharibəsinin simvollarından biri, Qarabağ müqavimətinin rəmzidir.
Allahverdi Teymur oğlu Bağırov 1946-cı il aprelin 22-də Ağdamda anadan olub. Orta təhsilini Ağdam şəhər 1 saylı məktəbdə alıb. İdmana böyük həvəsi olub, Ağdamın "Qarabağ" futbol klubunun şərəfini qoruyub, baş məşqçisi olub.
1991-ci ilin oktyabrında Ağdamdakı hərbi hissələr onun və qardaşı Eldar Bağırovun komandirliyi altında yaradılıb. Qardaşının ölümündən sonra batalyona rəhbərlik edib.
1992-ci ilin yanvarında Naxçıvanlı kəndində uğurlu əməliyyat keçirib, "General Məhəmməd Əsədov" mükafatına layiq görülüb. Ən böyük hərbi uğuru iyunun 12-də Aranzəmin döyüşündə olub.
Xocalı soyqırımı zamanı meyitlərin çıxarılmasında və əsirlərin dəyişdirilməsində böyük xidməti olub. Üç gün ərzində 1003 Xocalı əsirini xilas edib.
Bağırov 1992-ci ildə Naxçıvanlı kəndindən Ağdama qayıdarkən minaya düşərək şəhid olub. Ölümündən sonra Milli Qəhrəman adına layiq görülüb.
