Altıağac-Xızı yolunun təhlükəli vəziyyəti sürücüləri narahat edir.
Oxu.Az-ın yaydığı videogörüntüdə yolun əksər hissəsinin sıradan çıxdığı görünür.
"Yol tamamilə dağılıb. Asfalt qatı sıradan çıxıb. O yolla hərəkət etmək risklidir, xüsusən gecə saatlarında", - deyə şikayətdə bildirilib.
AAYDA sözçüsü Anar Nəcəfli faktı təsdiqləyib: "Sözügedən yol üzrə layihələndirmə işləri aparılır".
O qeyd edib ki, mart-aprel yağışları sel və daşqınlara səbəb olub, yol infrastrukturuna ziyan dəyib. Prezidentin Sərəncamı ilə 25 avtomobil yolunda, o cümlədən Xızı-Altıağac yolunda bərpa işləri nəzərdə tutulur. Layihələndirmə davam edir, təxirəsalınmaz tədbirlərə başlanılıb.
