Ümumdünya Şəhərsalma Forumu (WUF13) Azərbaycan üçün həm böyük şərəf, həm də mühüm məsuliyyətdir.
Oxu.Az xəbər verir ki, bunu Dövlət Şəhərsalma və Arxitektura Komitəsinin sədri və WUF13-ün milli koordinatoru Anar Quliyev WUF13 çərçivəsində keçirilən Liderlər Sammitində deyib.
O xatırladıb ki, Bakıda keçirilən tədbir çərçivəsində ilk dəfə olaraq dövlət və hökumət başçılarının sammiti keçirilir.
"WUF13 şəhərlərin gələcəyi ilə bağlı ortaq baxışın formalaşdırılması üçün unikal imkan yaradır. Bugünkü tədbir həm də liderlər üçün gələcək şəhər vizionun müəyyənləşdirilməsində böyük fürsətdir", - deyə o əlavə edib.
