BMT-nin Şəhər Əsas Xidmətləri Bölməsinin rəisi Andre Dzikus vurğulayıb: “Tullantı idarəçiliyindən dairəvi resurs idarəçiliyinə keçid mütləqdir”.
WUF13 çərçivəsində Azərbaycan pavilyonunda keçirilən tədbirdə o bildirib ki, hər il 400 milyon tondan çox plastik istehsal olunur və milyonlarla ton okeanlara atılır.
“Plastik tullantıların həcmi ildə 2% artır. İstehlak vərdişləri və biznes modelləri əsas səbəblərdəndir. Resursların davamlı idarəsi olmadan gələcək mümkün deyil”, – deyə Dzikus qeyd edib.
Şəhərlərin həll yollarının sınaq mərkəzi olduğunu vurğulayan Dzikus üç prioritet istiqaməti açıqlayıb: monitorinq sistemləri, dairəvi iqtisadiyyat və inklüziv yanaşma.
