Baku TV-nin qaynar xəttinə müraciət edən İran vətəndaşı Şahram Mehdizadəhsaraj, dörd il əvvəl ailə qurduğu azərbaycanlı həyat yoldaşından ayrıldığını bildirir.
Məhkəmə qərarı ilə azyaşlı uşaqlar ananın himayəsinə verilib. Ata, aliment ödəməsinə baxmayaraq, keçmiş həyat yoldaşının həyat tərzinin uşaqların gələcəyini riskə atdığını iddia edir.
"İki qızım 14 və 9 yaşında, oğlum da onlarla birlikdədir. Uşaqlar mənə ac və susuz qaldıqlarını yazıblar. Göndərdiyim pulların narkotik vasitələrə xərcləndiyini düşünürəm", - deyə şikayətçi bildirib.
O, hüquq-mühafizə orqanlarına müraciət etdiyini və əlavə sübutlara sahib olduğunu vurğulayıb. Məhkəmə qərarı ilə keçmiş həyat yoldaşı 15 sutka inzibati həbs cəzası alıb.
İran vətəndaşı üçün yeganə çıxış yolu məhkəmənin yekun qərarını gözləməkdir. Qərar uşaqların gələcəyi və təhlükəsizliyi baxımından böyük əhəmiyyət daşıyır.
