Azərbaycan və Gürcüstan arasında birgə sərhəd nəzarəti məntəqəsi üzrə layihələndirmə işləri aparılır. Bu barədə Dövlət Gömrük Komitəsinin sədri Şahin Bağırov məlumat verib.
Onun sözlərinə görə, hökumət DGK-ya müvafiq tapşırıqlar verib. Yeni buraxılış məntəqəsinin inşası üçün ərazi seçimi davam edir.
Məntəqə müasir standartlara cavab verəcək və birgə nəzarət mexanizmi tətbiq olunacaq. Azərbaycan və Gürcüstan gömrük xidmətləri yaxın məsafədə çalışaraq nəqliyyat vasitələrinin sinxron yoxlanılmasını təmin edəcək.
Bu sistem vaxt itkisinin qarşısını alacaq, nəzarət keyfiyyətini yüksəldəcək və risklərin tez aşkarlanmasına şərait yaradacaq. Həmçinin nəqliyyat vasitələrinin keçidi üçün əlavə imkanlar yaranacaq.
