Azərbaycan bu ilin sonunadək yerli baytarlıq vaksini istehsalına başlayacaq. Xəbəri Oxu.Az yayıb.
Qida Təhlükəsizliyi Agentliyinin sədri Qoşqar Təhməzli bildirib ki, "Rabisafe" adlı vaksinlər quduzluğa qarşı tətbiq olunacaq.
Vaksinlər Qubadakı müəssisədə hazırlanır. Gələn ildən həm vəhşi, həm də ev heyvanları üçün yerli vaksinlərdən istifadə olunacaq.
Vəhşi heyvanlar üçün aldadıcı yemlərlə vaksinasiya nəzərdə tutulur. Beynəlxalq standartlara uyğun vaksinlər gələcəkdə ixrac ediləcək.
