"Haber Global" telekanalı Ümumdünya Şəhərsalma Forumunun 13-cü Sessiyasından (WUF13) növbəti reportajı hazırlayıb.
Oxu.Az xəbər verir ki, tədbirdən son məlumatları kanalın müxbiri Murat Karataş çatdırıb.
Jurnalist bildirib ki, bu gün tədbirin əsas mövzuları qlobal mənzil böhranı, təhlükəsiz şəhərlər, iqlim dayanıqlığı, ağıllı şəhərlər, fəlakətdən sonra yenidənqurma olub. Bundan başqa o da qeyd olunub ki, Azərbaycan yaşıl enerji layihələrinə əsaslanan bu təcrübələri bölüşməyə davam edir. Türkiyə stendi barədə də məlumat verən Murat Karataş bildirib ki, bu pavilyona gələnlərə ölkəsinin fəlakətlərin idarə olunması və dayanıqlı şəhərləşmə təcrübəsi çatdırılır.
