Azərbaycanda orta aylıq əmək haqqı 1 151 manata çatıb. Dövlət Statistika Komitəsinin məlumatına görə, bu ilin ilk rübündə orta aylıq nominal əmək haqqı ötən ilin eyni dövrünə nisbətən 6.2% artıb.
Deputat Vüqar Bayramov sosial şəbəkədə bildirib ki, ən yüksək maaş mədənçıxarma sənayesindədir. Bu sektorda çalışanlar orta hesabla 4 581 manat alır – ölkə ortalamasından 4 dəfə çox.
Maliyyə və sığorta sektorunda orta maaş 2 814 manatdır. Bank işçiləri ikinci ən yüksək gəlirə malikdir. Ümumilikdə, 9 sektorda maaşlar ölkə ortalamasını üstələyir.
Ən aşağı maaş kənd təsərrüfatı, meşə təsərrüfatı və balıqçılıqda qeydə alınıb: 720 manat. Ticarət və nəqliyyat vasitələrinin təmiri sahəsində isə 768 manatdır.
Vüqar Bayramov qeyd edib ki, maaş artımlarının differensiallaşdırılması vacibdir. Dövlət sektorunda maaşların optimallaşdırılması prioritet olaraq qalır.
