BMT rəsmisi Elizabet Maruma Mrema bildirib ki, azkarbonlu yaşıl infrastruktur - şəhər meşələri, bataqlıq sahələrinin və çayların bərpası, yaşıl dəhlizlər - təbii texnologiya kimi qəbul edilməlidir.
WUF13 çərçivəsində keçirilən tədbirdə deyib: "Ağaclar havanı təmizləyir, bitki örtüyü istiliyi azaldır. Bataqlıqlar daşqınları idarə edir, yaşıl dəhlizlər hava axınını yaxşılaşdırır. Bunlar hava keyfiyyətini artırır və iqlim dəyişikliyinə qarşı dayanıqlılığı gücləndirir."
O, Bakının 2040-cı il Baş Planında yaşıl zonaların adambaşına 8 kv.m-ə çatdırılmasını və hibrid yaşıl dəhlizlərin əsas konsepsiya olmasını vurğulayıb. "Bakı daha havalanan, sərin və sağlam olacaq. Gəlin bu proqramı genişləndirək!" - deyə o əlavə edib.
