AzTV sədri Rövşən Məmmədov REAL TV-nin efirində bildirib ki, kanal gündə 7-10 problem xarakterli material yayımlayır.
O qeyd edib ki, bu materiallar hazırlanarkən jurnalistikanın etik normaları qorunur və qarşı tərəfin mövqeyi mütləq öyrənilir.
Məmmədov vurğulayıb ki, məqsəd xalqın problemlərini işıqlandırmaq və onlara yaxın olmaqdır.
O həmçinin bildirib ki, əvvəlki illərdə bu cür materiallar az idi, lakin indi müxbirlər hadisə yerlərindən canlı bağlantılar edir, həm narazı vətəndaşların, həm də qarşı tərəfin mövqeyini təqdim edirlər.
