Ailə, Qadın və Uşaq Problemləri üzrə Dövlət Komitəsinin sədri Bahar Muradova bildirib ki, uşaqları qoruya bilməyən platformalar uyğun mühit deyil.
O, Milli Məclisdə İnzibati Xətalar Məcəlləsinə və müvafiq qanunlara təklif edilən dəyişikliklərin müzakirəsi zamanı çıxış edib.
Muradova qeyd edib ki, qlobal platformaların təsiri milli hüquq sistemlərindən genişdir. Dövlət Komitəsi "Roblox" platforması ilə müzakirələr aparıb və əsas mesajı açıqlayıb: uşağın təhlükəsizliyi kommersiya maraqlarından üstün olmalıdır.
"Əgər platforma azyaşlıları qoruya bilmirsə, o, uşaqlar üçün uyğun mühit deyil. Biz bunu passiv seyrlə qarşılaya bilmərik", - deyə o vurğulayıb.
Muradova əlavə edib ki, müzakirə olunan sənəd uşaqların müdafiəsini gücləndirəcək, ailələrin məsuliyyətini artıracaq və Azərbaycanın rəqəmsal gələcəyini daha dayanıqlı edəcək.
