Bakı məktəblərində tədris necə aparılacaq? Məlumata görə, Birləşmiş Millətlər Təşkilatının Ümumdünya Şəhərsalma Forumunun 13-cü sessiyası (WUF13) ilə əlaqədar 18-22 may tarixlərində Bakı şəhərində V-XI siniflər üzrə tədris distant formada keçirilir.
Pirallahı, Qaradağ, Suraxanı, Sabunçu və Nizami rayonları istisna olmaqla, qalan rayonlardakı məktəblərdə distant tədris tətbiq ediləcək. Bakı Şəhəri üzrə Təhsil İdarəsi bu barədə rəsmi məlumat yayıb.
Yasamal, Səbail, Nəsimi, Nərimanov, Binəqədi, Xətai və Xəzər rayonlarındakı məktəblər "Rəqəmsal məktəb" platforması üzərindən dərslərə davam edəcək. Müəllimlər şəxsi kabinetlərindəki "Microsoft" alətləri ilə "Teams" platformasında dərs cədvəllərini hazırlayacaq.
Onlayn dərslərə qoşulmaq üçün tədris məlumatları platforma vasitəsilə şagirdlərə çatdırılacaq.
